شبكة الشفاء

التثدى عند الرجال أصبح مشكلة شائعة بتأثر على الشكل والثقة بالنفس. أسبابه ممكن تكون دهون زايدة أو خلل هرموني أو حتى أسلوب حياة غلط. التمارين الرياضية ليها دور كبير في علاج التثدى لأنها بتحرق الدهون وبتقوي عضلات الصدر، وده بالاستمرارية والتمارين الصح بيساعد على شكل أفضل وجسم مشدود.

تمارين رياضيه للتثدى عند الرجال.

أسباب التثدى عند الرجال_ اعرف السبب علشان تحل المشكلة.

التثدى عند الرجال لي دايمًا بسبب السمنة وبس، فيه أسباب كتير ممكن تكون وراه، ولازم نعرف السبب الأساسي علشان نقدر نعالج المشكلة من جذرها وبشكل فعّال.

الأسباب المحتملة للتثدى عند الرجالة:

• زيادة الدهون في الجسم: خاصة في منطقة الصدر، وده غالبًا نتيجة أكل غلط وقلة حركة.

• اختلال في الهرمونات: زي نقص التستوستيرون أو زيادة هرمون الإستروجين.

• تناول بعض الأدوية: زي أدوية الكورتيزون أو أدوية القلب وبعض مضادات الاكتئاب.

• مشاكل في الكبد أو الكلى: بتأثر على توازن الهرمونات في الجسم.

• العوامل الوراثية: بعض الحالات بيكون فيها التثدى وراثي.

• نمط حياة غير صحي: قلة النوم، التدخين، وعدم ممارسة الرياضة.

ملاحظة:

لو لم تجد السبب الحقيقي للتثدى وتعرفه جيدا، هتفضل تحارب المشكلة بطريقة غلط وممكن تضيع مجهودك على الفاضي. التشخيص الصحيح هو أول خطوة في طريق العلاج.

أفضل تمارين رياضية للتثدى عند الرجال في البيت والجيم.

لما بتدور على تمارين للتثدى، لازم تمارين تقوي عضلات الصدر وتساعد تحرق الدهون بنفس الوقت. في البيت أو الجيم، ممكن تلاقي تمارين سهلة وفعالة تساعدك تقلل التثدى وتشد شكل جسمك تدريجيًا مثل :

1-تمرين الضغط (Push‑ups):

بيعمل على عضلات الصدر كاملة وبيساعد في شد العضلة وشد الدهون في المنطقة مما يزيد من الكتله العضله بمنطقه الصدر ويزيل الدهون المتراكمه ف هذه المنطقه .

تمرين الضغط (Push-up).

2-بنش برس (Bench Press):

سواء بالبار أو الدمبل، بيقوي عضلات الصدر ويعمل على إزاله تراكم الدهون بشكل مركز ويعمل على زياده الكتله العضليه فى الصدر.

بنش برس (Bench Press).

3-تمرين الدمبل فلاي (Dumbbell Fly):

-أولاً.. يعني إيه تمرين دمبل فلاي أصلاً؟

ده تمرين بيستهدف عضلات الصدر، وبيساعد في توسيع وشد عضلة الصدر بطريقة ممتازة. بتعمله وإنت نايم على ضهرَك على بنش، وماسك دمبل في كل إيد، وبتفتح دراعاتك وتلمّها كأنك بتحضن الهوى.

-إزاي تمرين الدمبل فلاي بيساعد في إزالة التثدي؟

• بيشد عضلات الصدر وبيخلي شكلها متماسك ومتناسق.

• بيقلل من منظر الترهلات والدهون في المنطقة دي.

• بيرفع العضلة لفوق فبيخلي شكل الصدر رجولي مش مترهل.

• بيحرق دهون مع الوقت لما يتعمل مع نظام أكل وتمارين تانية.

الدمبل فلاي (Dumbbell Fly)

4-تمرين البلانك (Plank):

رغم إنه بيركز على البطن، لكن بيساعد على شد الجسم كله وتحسين وضعية الصدر مع شد دهون وترهولات الصدر.

أولاً... ما هو تمرين البلانك؟

تمرين البلانك هو تمرين سهل شكلاً ولكن تقيل على الجسم

بتفرد جسمك كله على خط مستقيم، وتوقف على الكوعين وأطراف صوابع رجلك، وتثبت كده لفترة معينة من غير ما تتحرك.

-نصيحة بسيطة مبنية على تجربة شخصيه:

لو عندك تثدي، اعمل البلانك يوم ويوم، وابدأ بـ ٣٠ ثانية وزود شوية بشوية. وخلّيه جزء من روتين تمارينك، مع شوية تمارين صدر وأكل نظيف، وهتشوف فرق كبير في شكل صدرك بعد فترة ودا بناءً على تجارب شخصيه ليا مع المرضى بتوعى.

تمرين البلانك (Plank).

5-تمرين الكارديو السريع (ماراثون بيت/جري سريع):

بيحرق دهون الجسم عامةً ومن ضمنها الدهون على منطقة التثدى.

ما هى تماريين الكارديو السريع؟

أي نشاط بيرفع ضربات القلب بشكل كبير وبيخلي جسمك يتنفس بسرعة ويحرق سعرات كتير، زي:

• الجري السريع.

• نط الحبل.

• الجري في المكان.

• الجري على السير (Treadmill)

أو حتى صعود السلم بسرعة.

أخطاء شائعة بتزود التثدى عند الرجال (تجنبها فورًا)

كتير من الرجال بيقعوا في خطأ إنهم يركزوا على تمارين الصدر بس، وده ممكن يزوّد التثدى بدل ما يقلله. التمرين لازم يكون شامل للجسم كله علشان تحرق الدهون. التركيز على عضلة واحدة مش هو الحل.

من الأخطاء اللي ناس كتير بتعملها إنها تهمل الأكل الصحي وتفتكر التمارين كفاية لوحدها. الحقيقة إن نظامك الغذائي ليه تأثير كبير على التثدى، خاصة لو فيه سكريات ودهون مشبعة كتير.

فيه كمان ناس بتوقف التمرين فجأة أو بتتمرن يومين وتكسل باقي الأسبوع، وده بيأثر سلبًا على الجسم. التثدى مش هيروح من يوم وليلة، لازم صبر وانتظام علشان توصل لنتيجة فعلاً تفرق.

أكلات تساعد على حرق دهون الصدر

الأكلة	الفايدة	نصايح للتناول
الشوفان	بيقلل الشهية وبيحرق الدهون ببطء	كله الصبح مع لبن خالي الدسم أو زبادي لايت
البيض المسلوق	غني بالبروتين وبيساعد في بناء العضلات	اتنين بيضة الصبح أو بعد التمرين
السمك (سلمون أو تونة)	فيه أوميجا 3 اللي بتقلل الدهون وتحفز الحرق	وجبة غدا مرتين في الأسبوع على الأقل

أسئلة شائعة عن التثدى عند الرجال.

1- هل الجري أو المشي السريع ممكن يساعدوا في تقليل التثدى؟

بالطبع ، الجري والمشي السريع من تمارين الكارديو اللي بتحرق دهون الجسم كله، ومن ضمنها الدهون اللي حوالين الصدر، فبيأثروا بشكل مباشر على التثدى.

2- متى أبدأ أشوف نتيجة التمارين على شكل صدري؟

لو بتلتزم بالتمارين والأكل الصح، ممكن تبتدي تشوف فرق خلال ٤ لـ ٨ أسابيع. بس استمر، مفيش نتيجة بتيجي من يوم وليلة.

3- هل لازم أركز على تمارين الصدر بس، ولا أوزع التمرين على الجسم كله؟

لأ، لازم تمرن جسمك كله. لما تحرق دهون من الجسم كله، ده بيأثر على الصدر كمان. يعني وزّع التمارين بين صدر، بطن، ضهر، ورِجل.

4- فيه تمارين معينة أبتعد عنها لأنها ممكن تزود التثدى بدل ما تقلله؟

التمارين نفسها مش بتزود التثدى، بس لو بتمرن الصدر بأوزان تقيلة وبتاكل كتير ومفيش كارديو، هتضخم العضلة من غير ما تخس الدهون، وساعتها الشكل ممكن يبان أوحش. لازم توازن بين تقوية العضلة وحرق الدهون.

5- ما هو الفرق بين التثدى عند الرجال والتثدى الكاذب ؟

التثدى الحقيقي: سببه خلل هرموني وبيكون في نسيج الثدي نفسه. اقرأ المزيد عنه من هنا

التثدى الكاذب: سببه دهون زايدة بس، وبيتحل بالرياضة والدايت.اقرأ المزيد عنه من هنا

الخاتمة

في النهاية، التثدى عند الرجالة مشكلة ليها حلول بسيطة وفعالة، أولها التمارين الرياضية المناسبة سواء في البيت أو الجيم. مع شوية التزام وتمرين منتظم وأكل صحي، هتقدر تودّع التثدى وتستعيد شكل جسمك بكل ثقة. خليك مستمر، والنتيجة هتشوفها بعينك.

✅المصادر

● webteb

● ويكبيديا

● منظمة الصحة العالمية